ЭЖ-799 ТӨХӨӨРӨМЖИЙН ТАНИЛЦУУЛГА

Цахилгаан болон электрон хэлхээ угсарч турших Электрон жаал угсардаг кит хүрэлцэн ирлээ. Төхөөрөмжид байгаа электрон болон цахилгаан элементүүдийг танилцуулая.

ЭЛЕМЕНТИЙН ЖАГСААЛТ

1.             Нэг цэг холбох товх                     4 ширхэг

2.             Хоёр цэг холбох саваа                 8 ширхэг

3.             Гурван цэг холбох саваа              3 ширхэг

4.             Дөрвөн цэг холбох саваа             1 ширхэг

5.             Таван цэг холбох саваа                1 ширхэг

6.             Зургаан цэг холбох саваа             1 ширхэг

11.          Дуу мэдрэгч ялтас                        1 ширхэг

12.          Хүрэлцэхүй мэдрэгч                     1 ширхэг

13.          Соронзон түлхүүр                         1 ширхэг

14.          Даралтын товчлуур                      1 ширхэг

15.          Унтраалга түлхүүр                        1 ширхэг

16.          Гэрэл мэдрэгч                               1 ширхэг

17.          Улаан гэрэлт диод                        1 ширхэг

18.          2.5 Вольт чийдэнгийн суурь         1 ширхэг

19.          3 Вольт зайн хайрцаг                    2 ширхэг

20.          Чанга яригч                                   1 ширхэг

21.          Аялгуут интеграл хэлхээ              1 ширхэг

22.          Дуут интеграл хэлхээ                   1 ширхэг

24.          Цахилгаан хөдөлгүүр                   1 ширхэг

30.          100 Ω эсэргүүцэгч                         1 ширхэг

31.          1 кΩ эсэргүүцэгч                            1 ширхэг

32.          10 кΩ эсэргүүцэгч                          1 ширхэг

33.          100 кΩ эсэргүүцэгч                        1 ширхэг

41.          0.1 uF конденсатор                       1 ширхэг

42.          10 uF конденсатор                        1 ширхэг

43.          100 uF конденсатор                      1 ширхэг

44.          470 uF конденсатор                      1 ширхэг

51.          PNP транзистор                            1 ширхэг

52.          NPN транзистор                            1 ширхэг

96.          Индукцлэл                                     1 ширхэг

108.      Цахилгаан соронзон тээрэм         1 ширхэг

  Угсралтын хавтан                         1 ширхэг

  Соронзон саваа                            1 ширхэг

  Нисдэг сэнс                                   1 ширхэг

  Чийдэн                                           1 ширхэг

!!! Чийдэнг хэлхээнд угсрахдаа ажиллах хүчдлийг нь сайтар шалга!!!

Чийдэнгийн ажиллах хүчдлийг түүний бөөрөн дээр тэмдэглэсэн байгаа. Буруу хүчдэлд залгавал шатах болно.

ӨМНӨХ ҮГ

“Электрон жаал” угсардаг тоглоомын цуврал нь 8-аас дээш насны хүүхдүүдэд зориулагдсан болно. Энэхүү номын график зураг, бичлэг нь зөвхөн энэхүү цуврал тоглоомуудад зориулагдсан болно. График, зураглал нь энгийнээс хэцүү рүү шилжих шатлалаар хийгдсэн бөгөөд гар удирдлага, соронзон удирдлага, гэрлийн удирдлага, усан удирдлага, дууны удирдлага, “тоач” буюу хүрэлцэхүй удирдлага, хугацааны удирдлага, дулааны удирдлага гэх мэт олон физик үзэгдлийг холбож өгдөг дасгалуудтай. Маш олон практик хэлхээнүүдийг маш хялбарханаар угсарч турших боломжтойгоор бүтээгдсэн болно. Хэлхээг угсарч дуусмагцаа гэрлийн, дууны, цахилгаан соронзон үзэгдлүүдийг сонсож, харж, ажиглаж болох ба ямарч насны хүүхдэд тохиромжтой бүтээгдэхүүн юм.

            “Электрон жаал” угсардаг тоглоом нь сонирхол + тоглоом = мэдлэг гэсэн цогц бүтээгдэхүүн бөгөөд цахилгаан хэлхээнүүдийг угсарч туршисанаар тодорхой хэмжээний мэдлэгийг маш хурдан олж авах болно. Мөн дунд сургуулийн физикийн хичээлээр олж авсан мэдлэгээ бататган улам ихийг сурч мэдэх боломжтой бяцхан лаборатори юм.

            Хэлхээ бүрт зориулсан график зураглал өгөгдсөн бөгөөд зарим нэг хялбар өөрчлөлтүүдийг зөвхөн өгүүлбэрээр зааж өгсөн болно. Электроникийн мэргэжлийн багш нар өөрсдөө шинэ шинэ дасгалуудыг зохион бүтээж болох бөгөөд энэ тухай санаагаа бидэнтэй хуваалцвал бид талархан хүлээж авах болно.

“Электрон жаал” төслийн баг

ЭЦЭГ ЭХЧҮҮД, БАГШ НАРТ

Сайн байцгаана уу? Бидний бүтээгдэхүүнийг сонирхон худалдан авч биднийг дэмжсэнд талархаж байна. Хэдийгээр завгүй их ажилтай байгаа ч гэсэн манай “Электрон жаал” угсардаг тоглоомоор хүүхдүүтэйгээ тоглон, тэдэнтэй илүү их цагийг өнгөрүүлснээр тэдний ур дүй, бүтээлч сэтгэхүй, сэтгэн бодох чадварыг дээшлүүлэх болно. Түүгээр зогсохгүй энэхүү тоглоом нь хүүхдийг зохиох, бүтээх, шинийг нээх эрмэлзэлтэй болгож, хүүхдийн хүмүүжилд эерэгээр нөлөөлөх бүтээгдэхүүн юм. Хялбар цахилгаан хэлхээнүүдийг өөрсдөө угсран туршисанаар электрон хэлхээний үндсэн зарчмуудтай танилцан сургуульд үздэг ердийн хөтөлбөрөөсөө илүү ихийг мэдэх болно.   Эртний зүйр үгэнд “Сонирхол бол хамгийн сайн багш юм” гэснээр хүүхэд тань электроник, техникийн шинжлэх ухаанд сонирхолтой болж, илүү их тэмүүлэлтэй болохыг та мэдэрнэ. Тоглоомоор дамжуулж хүүхдийг сургах нь хүүхдэд бие даан суралцах хөшүүрэг болж өгдөг.

            “Электрон жаал” угсардаг тоглоом нь хүүхдийг электрон ертөнцийн гайхамшигтай ид шидийн ертөнцөд хөтлөн аваачих болно. XXI зууны хөгжлийг гардан гүйцэтгэх иргэний хувьд таны хүүхэд илүү ихийг сурах мэдэх хэрэгтэй билээ. Тийм учраас манай бүтээгдэхүүнүүд таны хүүхдийг цоо шинэ ертөнцөд хөтлөн оруулах болно. Энэхүү тоглоомын дасгалууд нь шинэ шинэ мэдлэг өгч, маш их дэвшлийг таны хүүхдэд авчирна гэдэгт бид итгэлтэй байна. Бид таны хүүхдийг эрүүл чийрэг өсөн торниж, нийгэмд бүтээлч хүн түргэхэн болоосой хэмээн хүсэн ерөөж байна.

            Хүүхдүүд энэхүү тоглоомоор тоглож байх үед эцэг эхчүүд дараах зүйлд анхаарна уу. Хэлхээг буруу угсарах нь элементүүдийг хэт халааж гэмтээхээс гадна зай хураагуурыг удаан хугацаанд богино холбовол хэт их халах, хортой шингэн нь гоожих зэрэг осол гарч болзошгүй. Нисдэг сэнсийг хүмүүс рүү чиглүүлж болохгүйг тэдэнд анхааруулаарай. Энэхүү зааварчлага номыг үргэлж хадгалж байхыг сануулая.